PROGRAMME

MUMBAI DISTRICT

===============

एसपीसीच्या विद्यार्थ्यांमध्ये विज्ञानाबद्दल जिज्ञासा, कुतुहल तसेच संशोधन प्रवृत्ती निर्माण होऊन ती वाढीस लागावी. या दृष्टीकोनातुन विद्यार्थ्यांना बृहन्मुंबई महानगर पालिका, शिक्षण विभागाच्या अधिपत्याखालील विज्ञान कुतुहल भवन, माटुंगा, मुंबई येथे दिनांक 13/12/2024 रोजी शैक्षणिक भेट या कार्यक्रमाचे आयोजन करण्यात आले होते. विज्ञान कुतुहल भवन मध्ये विद्यार्थ्यांना अंतराळात राॅकेटचे होणारे प्रक्षेपण आणि त्याच्या तंत्रज्ञानाबाबत माहितीपट दाखविण्यात आला. त्यानंतर श्री. सारंग सर यांनी आरोग्य दालन, आरसे महल, विज्ञान दालन, दृकश्राव्य विभाग, खगोल-भुगोल दालन येथे असलेल्या विविध प्रोजेक्टची माहिती दिली. श्री. राजेश वैद्य सरांनी डोळयांमध्ये प्रतिमा कशी स्टोअर होते, डोळयांची संरचना, परावर्तित प्रतिमा सरळ/उलटी कशी होते, थर्मोइलेक्ट्रिकल पाॅवर सिस्टीम यंत्रणा याबाबत विद्यार्थ्यांना प्रात्यक्षिकांसहीत माहिती दिली. श्री. राम हडळ सरांनी कानाचे ध्वनी प्रक्रीया संपीडन, शरीराची संरचना, अवयवांचे कार्याची माहिती, प्रकाशाची उर्जा व ध्वनीची उर्जा यांची माहिती त्यांचे कार्य यांबाबतची प्रात्यक्षिकांसहीत माहिती दिली. विद्यार्थ्यांकडुन नमुद कार्यक्रमाला उत्स्फूर्त प्रतिसाद मिळाला.