दि. 16 डिसेंबर 2025 रोजी मा. श्री संदिप कर्णिक,पोलीस आयुक्त, नाशिक शहर यांचे मार्गदर्शनाने शालेय विद्यार्थ्यांना दर मंगळवारी “पोलीस आयुक्त कार्यालय प्रत्यक्ष पाहणी (Walk in Tour Of Nashik City Police )” हा अभिनव उपक्रम राबविण्यात आला आहे. या उपक्रमाचा उद्देश विद्यार्थ्यांना पोलीस आयुक्त कार्यालयातील कार्यपद्धतीची माहिती मिळावी तसेच चालणारे कामकाज प्रत्यक्ष पाहता यावे हा आहे. हा उपक्रम दर मंगळवारी आयोजित करण्यात येत आहे.
सदर शैक्षणिक भेटी करिता
सेंट लॉरेन्स हायस्कूल, अश्विन नगर , नाशिक शहर मधील 50 विद्यार्थ्यांनी पोलीस आयुक्त कार्यालयास भेट दिली. या भेटी दरम्यान विद्यार्थ्यांना आयुक्तालयातील आवक जावक शाखा, चारित्र्य व पासपोर्ट पडताळणी शाखा, नियंत्रण कक्ष, डायल 112, ट्रॅफिक कंट्रोल नियंत्रण कक्ष, वाहतूक नियमांचे जनजागृती, वाहतूक विभागामध्ये वापरली जाणारी उपकरणे, आर्थिक गुन्हे शाखा इत्यादी कामकाजाची माहिती देण्यात आली. विद्यार्थ्यांना “ट्रॅफिक ॲम्बेसिडर” बॅचचे वाटप करण्यात आले. ” STOP BEFORE STOP LINE ” या नवीन उपक्रमाची सुरुवात श्रीमती अद्विता शिंदे, सहा. पोलीस आयुक्त, शहर वाहतूक विभाग यांच्या हस्ते करण्यात आले.